Kwa maudhui
Kujibu

Eraro en la Vortaro?

ya StefKo, 11 Desemba 2020

Ujumbe: 11

Lugha: Esperanto

StefKo (Wasifu wa mtumiaji) 11 Desemba 2020 5:25:19 alasiri

El Vortaro.net:
"
(...)
plenigi. Fari ion plena:
1 materiale: plenigi sakon je, per greno;(...)
"
En tiu ĉi frazo probable estas eraro?

sergejm (Wasifu wa mtumiaji) 11 Desemba 2020 9:43:04 alasiri

Mi vidas nenian eraron

sudanglo (Wasifu wa mtumiaji) 12 Desemba 2020 2:42:34 alasiri

En kio kuŝas la eraro?

StefKo (Wasifu wa mtumiaji) 12 Desemba 2020 3:48:52 alasiri

sergejm:Mi vidas nenian eraron
Mi ne komprenas la frazon Plenigi sakon je, per greno. Ĉu vi povus ekspliki ĝin? Kian rolon plenumas la vorto "je"?
Mi komprenus se la frazo estus Plenigi sakon per greno aŭ Plenigi sakon je/por terpomoj per greno.

sergejm (Wasifu wa mtumiaji) 12 Desemba 2020 5:41:55 alasiri

Plenigi sakon je greno aŭ Plenigi sakon per greno

Plenigi sakon por terpomoj per greno = Plenigi sakon, ordinare uzata por terpomoj, per greno

StefKo (Wasifu wa mtumiaji) 12 Desemba 2020 9:46:33 alasiri

sergejm:Plenigi sakon je greno aŭ Plenigi sakon per greno

Plenigi sakon por terpomoj per greno = Plenigi sakon, ordinare uzata por terpomoj, per greno
Tio signifas: oni devas kompreni "je, per" kiel vortoj alternativaj "je aŭ per"? Se jes, kial oni ekskribis tion? Mi atendis prefere tiel: "je/per" aŭ "je (per)" aŭ "je (aŭ 'per')". La modo kiun uzas PIV ŝajnas al mi (nur al mi?) tre stranga. Mi pensis multe da minutoj kaj mi ne ekkomprenis sencon de la frazo.

Sergejm kaj sudanglo, dankon por la respondoj!

Ĉu en la rusa kaj en la angla oni povas ankaŭ tiel ekskribi alternativon?

sudanglo (Wasifu wa mtumiaji) 13 Desemba 2020 1:39:03 alasiri

Se oni fizike plenigus ion, la kutima prepozicio estus 'per', sed eblas plenigi ion metafore - ekzemple mia koro pleniĝis je ĝojo, en tia uzo eble 'je' estas preferinda.

IgorSokoloff (Wasifu wa mtumiaji) 13 Desemba 2020 2:05:23 alasiri

Verdire, iom mirindas, ke ŝajne eksperta esperantisto, kiu multjare "paŝtiĝas" ĉi-forume, konsultiĝas pri demando, kiu apenaŭ prezentas iun problemon eĉ por komencantoj.

StefKo (Wasifu wa mtumiaji) 13 Desemba 2020 5:43:38 alasiri

sudanglo:Se oni fizike plenigus ion, la kutima prepozicio estus 'per', sed eblas plenigi ion metafore - ekzemple mia koro pleniĝis je ĝojo, en tia uzo eble 'je' estas preferinda.
Jes. Sed mi ne demandis kiun prepozicion uzi (post la klarigo de sergejm) sed kial oni tiel ekskribis la alternativajn vortojn "per" kaj "je". Tiu ĉi modo kaŭzis la miskomprenon. Mi vidas tiun ĉi modon unue, tial mia nekompreno.

@Igor, se tio estas tiel evidenta, klarigu tion, ĉar mi, komencanto, malgraŭ kelkaj klarigoj, plue ne scias. Ja tio estas fadeno de konsultado, kaj ne de memlaŭdado.

PS. Igor, tio ne estas ia persona aludo. Mi vere estas konvinkita pri via bona konado de Esperanto.

sergejm (Wasifu wa mtumiaji) 13 Desemba 2020 7:34:26 alasiri

ReVo:
plenigi malplenon, breĉon
Ĉi tie komo signifas 'aŭ', sed tiel oni ordinare ne faras por prepozicioj.

Kurudi juu