Skip to the content
Reply

Forte staras muroj de/da miljaroj

by Demian, November 24, 2012

Messages: 7

Language: Esperanto

Demian (User's profile) November 24, 2012, 5:27:40 PM

Pardonu se la demando estas stulta. Mi estis aŭskultanta al La Espero neantaŭlonge kaj ekrimarkis ion strangan(?). Kial oni uzas 'de' en tiu frazo de la himno anstataŭ de 'da'?

darkweasel (User's profile) November 24, 2012, 6:28:37 PM

Ĉu muroj estas iuspeca mezuro? demando.gif

sudanglo (User's profile) November 24, 2012, 6:57:01 PM

Mi supozas ke estas same kiel mi estas Esperantisto de multaj jaroj (do, dum jaroj ĝis hodiaŭ). La 'de' karakterizas.

Demian (User's profile) November 25, 2012, 12:24:19 PM

sudanglo:Mi supozas ke estas same kiel mi estas Esperantisto de multaj jaroj (do, dum jaroj ĝis hodiaŭ). La 'de' karakterizas.
Dankon! Mi komprenas!

* Mi havas dek jarojn.
* Mi estas dekjaraĝa.
* Mi havas dek da jaroj.
* Mi estas esperantisto de dek [da] jaroj.

sudanglo (User's profile) November 25, 2012, 1:18:01 PM

Laŭ mi 'li estas Esperantisto de dek jaroj' ne signifus normale ke la koncerna persono estas dekjaraĝa sed ke li Esperantistiĝis antaŭ dek jaroj, do dum dek jaroj li estas Esperantisto.

Tamen 'mi vidis en la strato knabon de dek jaroj kun lia patrino' ja ŝajnas implici ke la knabo estis dekjaraĝa.

Tjeri (User's profile) November 25, 2012, 1:26:43 PM

* Mi havas dek da jaroj.
Tio estas erara.
Mi havas dek jarojn, aŭ mi havas dekon da jaroj.

Demian (User's profile) November 25, 2012, 3:24:16 PM

sudanglo:Laŭ mi 'li estas Esperantisto de dek jaroj' ne signifus normale ke la koncerna persono estas dekjaraĝa sed ke li Esperantistiĝis antaŭ dek jaroj, do dum dek jaroj li estas Esperantisto.
Dankon por klarigo. Sed la kvara frazo neniel ligas al la unuaj tri. Eble mia esprimmaniero kaŭzis konfuzon.

Tjeri:Tio estas erara.
Mi havas dek jarojn, aŭ mi havas dekon da jaroj.
Ege dankas vin por korekti!

Back to the top