Sisu juurde
Vasta

Kion vi pensas pri la vortoj "liva" kaj "maldekstra"?

kelle poolt Christa627, 10. juuli 2014

Postitused: 65

Keel: Esperanto

Christa627 (Näita profiili) 10. juuli 2014 20:35.01

Min tre interesas statistikoj, la studo de manprefero, kaj Esperanto. Do, nature, mi scivolas pri la opinio de Esperantistoj pri la vortoj "liva" kaj "maldekstra". Mi mem ne ŝatas la vorton "maldekstra"; estus tiel logike diri "malnorda". Kion vi pensas? Bonvolu voĉdoni, kaj diri la kialojn por via elekto!

Notxor (Näita profiili) 10. juuli 2014 20:42.04

Oni diras "dekstre" kaj "maldekstre". Ĉu vi ne plaĉas? Nu, lingvo ne estas demokratia, ĝi estas kiel ĝi estas.

NJ Esperantist (Näita profiili) 10. juuli 2014 22:45.17

Mi opinias ke 'liva' havas lokon en Esperanto, sed ne en la ĉiutaga vivo. Ĝi estas specialista vorto por la militistaro aŭ la aeronaŭtiko en okazoj kiam rapida klara komunikado gravas. Tamen, en la ĉiutagaj aferoj 'dekstra' kaj 'maldekstra' bone sufiĉas.

novatago (Näita profiili) 10. juuli 2014 22:50.19

Unu el miaj plej ŝatataj aĵoj de Esperanto estas la prefikso mal. Do, tiu vortaĉo feken. Tio simple ne estas esperanto kaj mi neniam uzos ĝin.

Ĝis, Novatago.

petitka (Näita profiili) 11. juuli 2014 5:43.57

Christa627:Min tre interesas statistikoj, la studo de manprefero, kaj Esperanto. Do, nature, mi scivolas pri la opinio de Esperantistoj pri la vortoj "liva" kaj "maldekstra". Mi mem ne ŝatas la vorton "maldekstra"; estus tiel logike diri "malnorda". Kion vi pensas? Bonvolu voĉdoni, kaj diri la kialojn por via elekto!
Jes, nia komuna lingvo estas bone kreita por ĉiam - mi povus nur konsenti pri novaj vortoj, ĉu?

pace (Näita profiili) 11. juuli 2014 7:02.06

Ankaŭ por mi : "Unu el miaj plej ŝatataj aĵoj de Esperanto estas la prefikso mal." kiel tre bone skribis Novatago.
Mi neniam aŭdis aŭ legis tiun MALBELAN vorton kiun vi proponas.

Fenris_kcf (Näita profiili) 11. juuli 2014 7:10.02

pace:Mi neniam aŭdis aŭ legis tiun MALBELAN vorton kiun vi proponas.
Christa ne estas la proponinto de tiu vorto.

sergejm (Näita profiili) 11. juuli 2014 7:14.54

en tekstaro.com estas 279 da "maldekstra" kaj nur 10 da "liva".
Tri el ili estas pri demando ĉu oni uzu "liva":
... kun sia malo dekstra. (Anstataŭe ni povas diri liva.)
... eviti la uzon de mal, ekz. oni uzas dekstra kaj liva, ne la danĝeran maldekstra.
Iomete uzatas ankaŭ kurta 73 (mallonga 1423), liva 60 (maldekstra 680), febla 51 (malforta 563), ...

MoutOp (Näita profiili) 11. juuli 2014 8:03.08

Mi neniam komprenis la problemon kun la prefikso mal-. La prefiksoj de Esperanto estas unu el la grandaj ideoj de Esperanto, kiuj permesas al nia kara lingvo esti tiel simpla. Ni ne malsimpligu ĝin...

maratonisto (Näita profiili) 11. juuli 2014 8:23.53

NJ Esperantist:Mi opinias ke 'liva' havas lokon en Esperanto, sed ne en la ĉiutaga vivo. Ĝi estas specialista vorto por la militistaro aŭ la aeronaŭtiko en okazoj kiam rapida klara komunikado gravas. Tamen, en la ĉiutagaj aferoj 'dekstra' kaj 'maldekstra' bone sufiĉas.
Al mi tre plaĉas Via opinio. Mi aldonus nur, ke mi vidas perspetivon por "liva" ("kurta", "turpa" k.s.) por estonto, kiam Esperanto estos sufiĉe disvastigita, do ne estos plu lingvo por lerni, sed lingvo por uzi.

Tagasi üles