Skip to the content
Reply

Futbala Mondĉampionado

by pl74, June 10, 2010

Messages: 169

Language: Esperanto

muzikanta hipopotamo (User's profile) July 2, 2010, 9:32:40 PM

Ĵus vidinte la dramecan matĉon inter Urugvajo kaj Ganao, mi iom malĝojas, ĉar nun la lasta afrika teamo estas for. Sed tri malsukcesaj dek-unu-metro-ŝotoj ... tio estas vere tro multaj ...

horsto (User's profile) July 3, 2010, 4:02:16 PM

Nekredeble! Plia alta venko de la juna germana teamo!

Argentino kontraŭ Germanujo 0:4

Argentino kaj Brazilo el la konkurso!

horsto (User's profile) July 3, 2010, 5:36:24 PM

Estas nun granda festo en Germanujo. Neniu atendis tiajn konvinkajn venkojn.
La teamo estas la plej juna ekde pli ol kvindek jaroj kaj la lastaj matĉoj estas la plej bonaj de la germana teamo mi vidis ekde kelkaj jardekoj.
Sed kompreneble tio ne signifas ke ili plu venkos. La sekvonta teamo, plej verŝajne Hispanujo, estos malfacilega kontraŭulo.

dobri (User's profile) July 3, 2010, 5:46:20 PM

Gratulon al germanaj futbalistoj! Aŭ piedpilkistoj, se vi preferas tion.
Komence de la ĉampionado ĉiuj (inkluzive min) favoris Brazilon, sed mia kolego opiniis, ke la plej forta teamo estas ĝuste Germanio. Baldaŭ videblos, ĉu li pravas.

Frankouche (User's profile) July 3, 2010, 8:32:01 PM

Vere, mi tre malĝojas tiutempe !! ploro.gif
Paragŭajo malvenkis ploro.gif

Sed ĝi meritas la venkon !

Nu, tiuj penaltoj (se vi scias la eoan vorton, diru min), tiuj ludoj de bilardo tre tre nekredeblas!! lango.gif lango.gif

Vere, vere, vere, futbalo estas la plej imponanta ludo en mondo !

zan (User's profile) July 4, 2010, 6:47:47 AM

Frankouche:Vere, vere, vere, futbalo estas la plej imponanta ludo en mondo !
Jes ja vere! Mi vidis belegajn matĉojn. Surpriza fazo de Urugvajo kaj Ganao, admirinda forteco de Germanio, malforteco de forta Brazilo.. Min interesas tio, ke en ludoj vidiĝas "homoj". Mi ne kredas, ke ankoraŭ plu restas kvar matĉoj.

LyzTyphone (User's profile) July 4, 2010, 7:47:02 AM

zan:Jes ja vere! Mi vidis belegajn matĉojn. Surpriza fazo de Urugvajo kaj Ganao, admirinda forteco de Germanio, malforteco de forta Brazilo.. Min interesas tio, ke en ludoj vidiĝas "homoj". Mi ne kredas, ke ankoraŭ plu restas kvar matĉoj.
Kaj ne forgesu vuvuzelon! (hej!

Hedilla (User's profile) July 4, 2010, 8:57:51 AM

´La ruĝa´ Hispanujo atendas Germanujon (aŭ inverse), kiel lasta eŭropa ĉampionado

Kiam la korbpilkada monĉampionado el Turkujo komencos?

utku (User's profile) July 4, 2010, 9:08:47 AM

Ĝi komencos en 28a de aŭgusto.

horsto (User's profile) July 4, 2010, 11:34:06 AM

Hedilla:´La ruĝa´ Hispanujo atendas Germanujon (aŭ inverse), kiel lasta eŭropa ĉampionado
Ne estos facila matĉo por Hispanujo, la germana teamo ne estas la sama kiel tiu de la eŭropa ĉampionado. Sed bedaŭrinde unu el la plej gravaj ludistoj, aŭ eble la plej grava ludisto, ne povos partopreni pro dua flava karto, kiun li ricevis pro bagatela afero. Li ŝajne tuŝis la pilkon per la mano, tio estis apenaŭ videbla, eĉ ne per malrapida ludigo (Mi ne trovis la tradukon por: Zeitlupe, slow motion).

Back to the top