Mergi la conținut
Răspunde

ĈU ERARA FRAZO?

de Francisko1, 18 august 2010

Contribuții/Mesaje: 64

Limbă: Esperanto

Miland (Arată profil) 19 august 2010, 11:59:32

Ianna:Saluton! Mi estas komencanto kaj mi diras: Mi estas feliĉa!
Bonvenon! Vi progresas bone. Estu feliĉa ĉiam!

Miland (Arată profil) 19 august 2010, 12:04:55

Francisko1:Persono diris al mi ke la frazo: "Mi estas feliĉe" estas erara.. mi volas indiki ke mi parolas pri stato ne pri kvalito.
Ĉu vi vere volas paroli pri via ekzisto kiel filozofo, aŭ (pli verŝajne, miaopinie) la kvalito de via vivo? Se la lasta, pli taŭgas diri ekzemple "Mi fartas bone" aŭ "Mi loĝas (vivas, laboras ktp) feliĉe."

Ianna (Arată profil) 19 august 2010, 12:35:57

Miland:
Ianna:Saluton! Mi estas komencanto kaj mi diras: Mi estas feliĉa!
Bonvenon! Vi progresas bone. Estu feliĉa ĉiam!
Dankon! sal.gif

Francisko1 (Arată profil) 19 august 2010, 13:14:22

Egale mi diras: mi estas malsate, ĉar malsato ne estas kvalito, sed nur stato.

Francisko

Francisko1:Persono diris al mi ke la frazo:

"Mi estas feliĉe" estas erara. Mi kredas ke ne, ĉar uzante adverbon mi volas indiki ke mi parolas pri stato ne pri kvalito. Kion ci pensas pri tio? Dankon

Francisko

horsto (Arată profil) 19 august 2010, 13:53:27

Francisko1:Egale mi diras: mi estas malsate, ĉar malsato ne estas kvalito, sed nur stato.
Kaj tio estas egale malĝusta.
Eble tio helpos:
La viro estas malsata = la malsata viro
Do malsata klare rilatas al la substantivo.

Ianna (Arată profil) 19 august 2010, 13:54:06

Francisko1:Egale mi diras: mi estas malsate, ĉar malsato ne estas kvalito, sed nur stato.

Francisko

Francisko1:Persono diris al mi ke la frazo:

"Mi estas feliĉe" estas erara. Mi kredas ke ne, ĉar uzante adverbon mi volas indiki ke mi parolas pri stato ne pri kvalito. Kion ci pensas pri tio? Dankon

Francisko
Mi ne certas ĉu la frazo estas erara aŭ ne, sed mi diras: “Mi estas malsata kiel lupo.” kaj “Malsete morti!

Belmiro (Arată profil) 19 august 2010, 14:04:25

Francisko1:Egale mi diras: mi estas malsate, ĉar malsato ne estas kvalito, sed nur stato.
Adverbo ne povas rilati al substantivo. Do, VI ne malsatas!

Se vi tre, treeg malsatas do povas esti ke vi estas malsate mortonta.
Amike
Belmiro

novatago (Arată profil) 19 august 2010, 14:25:55

darkweasel:novatago, mi pensas, ke vi konfuziĝis iom.

Tiun ĉi distingon Esperanto ne havas. Ĝi ne estas la distingo inter E-vortoj kaj A-vortoj. La distingo inter E-vortoj kaj A-vortoj estas alia. Dum A-vortoj priskribas O-vortojn, E-vortoj priskribas aliajn vortspecojn, plej grave verbojn.
Nu, mi jam diris ke mi ne certis pri la afero sed verŝajne mi tre malofte uzis e-vortojn tiel, se iam tio vere okazis.

En mia hispana menso uzi e-vortojn tiel sencas kaj per mia lasta mesaĝo mi nur intencis ekspliki la kialon kaj ne pravigi Franciskon. Eble mia ekspliko ne estis sufiĉe bona.

Mi ne pensis pri la afero ĝis nun tamen mi ĉiam klopodas (ne ĉiam sukcese) skribi kaj paroli per frazoj, kiuj ne kreu miskomprenon.

Ĝis, Novatago.

novatago (Arată profil) 19 august 2010, 14:32:01

Francisko1:Egale mi diras: mi estas malsate, ĉar malsato ne estas kvalito, sed nur stato.
Mi konsilas forgesi la aferon al vi. Uzi e-vortojn tiel, estas erara.

Memoru ke Esperanto ne estas la hispana lingvo kun aliaj vortoj.

Ĝis, Novatago.

Miland (Arată profil) 19 august 2010, 15:32:59

Francisko1:Egale mi diras: mi estas malsate..
Tio ne estas ĝusta; oni diru mi estas malsata, ĉar la adjektivo malsata priskribas ne verbon, sed vi mem. Vidu la PMEG (duan skatolon, unuan ekzemplon). Vidu ankaŭ la Fundamentan ekzercaron (trian ekzemplon el No. 8).

Înapoi mai sus