Kwa maudhui
Kujibu

Lingvo ne estas algebro.

ya Solulo, 19 Agosti 2011

Ujumbe: 41

Lugha: Esperanto

Solulo (Wasifu wa mtumiaji) 19 Agosti 2011 9:53:03 alasiri

Unu el miaj amikoj lingvistoj (kiu, parenteze konas Eon teorie)diris al mi, ke EO na plaĉas al li pro ĝia reguleco, kvazaŭ matematika precizeco. "Lingvo ja ne estas algebro" li diris. "Lingvo bezonas esceptoj, formoj neuzataj, uzataj en alia senco, arkaikaj, kurantaj,ktp".
Li malakceptas la kvazaŭ algebran regulecon de EO.

Nu, la kreinto de Eo ne povus elpensadi esceptojn.

Tamen, ŝajnas al mi, ke tia "reguleco kaj kvazaŭ matematika sitemo de EO" povas iĝi ian problemon al potencialaj partianoj de la lingvo.
Kio vi pensas pri tio?

maratonisto (Wasifu wa mtumiaji) 19 Agosti 2011 10:15:47 alasiri

Mi pensas, ke Esperanto ne estas sufiĉe regula, ĝi povus esti eĉ pli regula kaj tio plibonigus ĝin.
La vidpunkto de Via amiko estas stranga, iom "mazoĥista".

Fou (Wasifu wa mtumiaji) 20 Agosti 2011 12:46:50 asubuhi

Se Esperanto ne estus regula, ĝi estus pli malfacila.

Mi pensas, ke se ĝi volas esti internacian lingvon, ĝi bezonas esti facilan por ĉiuj povas lerni ĝin.

mihxil (Wasifu wa mtumiaji) 20 Agosti 2011 1:39:49 asubuhi

Solulo:Unu el miaj amikoj lingvistoj (kiu, parenteze konas Eon teorie)diris al mi, ke EO na plaĉas al li pro ĝia reguleco, kvazaŭ matematika precizeco.
Tio implicas ke matematiko ne estus bela. Jam tiun premison mi malakceptas. Kaj krome ni do rimarkigu ke efektive tiu kono pri Esperanto estas precipe teoria, ĉar timeblas ke Eo ne estas tiom reguleca.

Sahaquiel (Wasifu wa mtumiaji) 20 Agosti 2011 1:48:41 asubuhi

Mi pensas ke la neregulecoj estas belaj.
sed, por lingvo internacia, fleksebla kaj facila lernebla, oni bezonas regulecojn

RiotNrrd (Wasifu wa mtumiaji) 20 Agosti 2011 3:53:12 asubuhi

Iuj homoj kiuj ne uzas Esperanton eble pensas ke la simplaj reguloj de Esperanto faras la lingvon monotona kaj senvaria. Senvarieco enuigas, do (se verus) tia (senvaria) lingvo estus neinteresa aŭ paroli aŭ legi.

Mi pensis tiel, antaŭ mi lernis ĝin. Ĉu ĉiuj substantivoj finiĝas kun -o? Ĉu ĉiuj? Tiu devas fari frazojn tre tedaj! Sed, kompreneble, mi lernis Esperanton, kaj trovis kaj ke, jes, ĉiuj substantivoj finiĝas kun -o, kaj ke tiu fakto ne estas la antaŭvidinta problemo.

Se oni ne uzas Esperanton, oni ne posedas sufiĉan informon por priesperanta opinifarado.

manu_fr (Wasifu wa mtumiaji) 20 Agosti 2011 5:38:41 asubuhi

Mi pensas ke ambaŭ flankoj pravas : esperanto estas regula kaj ja teda lingvo, sed aliflanke tio estas utila aspekto.

Konsideri Esperanton kiel ilo de internacia komunikado ne estas problemo por mi, exc se ĝi ne estas belsona. Ne gravas.
Malgraŭ videbla facileco ĝi restas lingvon en plena senso de la vorto, kaj kiel ĉiuj lingvoj, malfacila al akiri.

patrik (Wasifu wa mtumiaji) 20 Agosti 2011 6:15:33 asubuhi

Oni nur legu la eseon "La dek ses fundamentaj malreguloj" de Abel Montagut por agnoski ke E-o ne estas tute regula kaj senescepta.

Legu la eseon en tiu ĉi libro, "La Deka Logo", je la paĝoj 144 - 163. okulumo.gif rido.gif

Miland (Wasifu wa mtumiaji) 20 Agosti 2011 8:18:33 asubuhi

Solulo:Unu el miaj amikoj lingvistoj (kiu, parenteze konas Eon teorie)diris al mi.."Lingvo bezonas esceptoj, formoj neuzataj, uzataj en alia senco, arkaikaj, kurantaj,ktp".
Li malakceptas la kvazaŭ algebran regulecon de EO.
Evidente -vidu, kiel li preterpasas la akuzativon! lango.gif

zan (Wasifu wa mtumiaji) 20 Agosti 2011 8:56:40 asubuhi

Esperanto ne estas algebra. Ĝi estas pli regula ol naciaj lingvoj sed bedaŭrinde enhavas kelkajn malbelajn esceptojn.

Cetere en Esperanto oni povas esprimi sian penson per diversaj manieroj laŭ la gepatra lingvo de parolantoj. En algebro tio ne okazas.

Kurudi juu