Ku rupapuro rw'ibirimwo
Kwishura

nek dika nek maldika

ca, kivuye

Ubutumwa 12

ururimi: Esperanto

Francestral (Kwerekana umwidondoro) 26 Ntwarante 2013 00:25:11

Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?

Kirilo81 (Kwerekana umwidondoro) 26 Ntwarante 2013 07:37:32

svelta

antoniomoya (Kwerekana umwidondoro) 26 Ntwarante 2013 09:06:53

Francestral:Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?
Laŭ mi, perfekte korekta, same kiel "nedika", "iom dika" aŭ "diketa".

Amike.

Francestral (Kwerekana umwidondoro) 26 Ntwarante 2013 10:14:11

Laŭ PIV:
dika = Granda laŭ la tria direkto, kiu estas nek larĝo nek longo
maldika = Havanta malgrandan dimension, en direkto alia ol larĝo k longo
svelta = Harmonie aŭ elegante maldika
diketa = iom dika

Ĉu ekzistas A-vorto, kiu signifas "Havanta dimension nek grandan nek malgrandan, en direkto alia ol larĝo k longo"?
Mi supozas, ke mezdika estas korekta.

Same, ĉu mezgranda signifas "nek granda nek malgranda"?

dombola (Kwerekana umwidondoro) 26 Ntwarante 2013 10:43:26

Francestral:Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?
Mezdika estas korekta, sed prefere oni ne uzu ĝin, por eviti konfuzon, ĉar teorie mezdika signifas tion: "inter diketa kaj dikega".

Prefere oni uzu la formulon de F.E.§33

Mia frato ne estas granda, sed li ne estas ankaŭ malgranda: li estas de meza kresko.

efilzeo (Kwerekana umwidondoro) 26 Ntwarante 2013 21:57:57

Ankaŭ normdika povus funkcii.

robbkvasnak (Kwerekana umwidondoro) 26 Ntwarante 2013 22:03:48

Ekzistas du grupoj da adjektivoj: relativ-adjektivoj kaj absolut-adjektivoj. Se mi estas en ĉambro kun bebo, mi estas granda kaj la bebo malgranda. Se envenas nun giganto, li/ŝi estas granda kaj mi mezgranda. Se la bebo foriras, mi nun estas malgranda kaj la giganto granda. SED oni estas aŭ morta aŭ viva. Virinoj estas aŭ negravedaj aŭ gravedaj.

sudanglo (Kwerekana umwidondoro) 27 Ntwarante 2013 13:00:05

Francestral:Ĉu ekzistas A-vorto, kiu signifas "nek dika nek maldika"?
Averaĝa

Urho (Kwerekana umwidondoro) 28 Ntwarante 2013 10:43:39

sudanglo:
Francestral:Ĉu ekzistas A-vorto, kiu signifas "nek dika nek maldika"?
Averaĝa
Por cerbumi: dika – nedika – maldika (bv. kompari kun: plena – neplena – malplena).

Rugxdoma (Kwerekana umwidondoro) 29 Ntwarante 2013 20:13:33

Francestral:Ĉu ekzistas A-vorto, kiu signifas "nek dika nek maldika"?
Ĉu mezdika estas korekta?
Mezdikeca?

Subira ku ntango