Đi đến phần nội dung
Trả lời

ĉu la tempo ekzistas?

viết bởi baibaibibi, Ngày 19 tháng 10 năm 2014

Tin nhắn: 130

Nội dung: Esperanto

baibaibibi (Xem thông tin cá nhân) 21:48:23 Ngày 19 tháng 10 năm 2014

ĉu vi opinias ke la tempo ekzistas? Mi pensas ke eble la tempo estas nur iluzio kaj ke ĝi ne eszistas en la realo, simile ekzemple al la meridianoj kaj paraleloj kiuj ne ekzistas en la realo kvankam ili estas utilaj al la homo por navigado, ktp.

robbkvasnak (Xem thông tin cá nhân) 21:55:29 Ngày 19 tháng 10 năm 2014

La tempo eble ekzistas sed la homo artefarite markas ĝin. Ankaŭ "montoj" ekzistas sed ili estas montoj ĉar ni homoj nomas ilin montojn.

baibaibibi (Xem thông tin cá nhân) 22:06:49 Ngày 19 tháng 10 năm 2014

robbkvasnak:La tempo eble ekzistas sed la homo artefarite markas ĝin. Ankaŭ "montoj" ekzistas sed ili estas montoj ĉar ni homoj nomas ilin montojn.
Kio igas vin pensi ke la tempo ekzistas? Ŝajnas al mi ke ĝi ne ekzistas.

Lakiro (Xem thông tin cá nhân) 09:14:30 Ngày 20 tháng 10 năm 2014

Kiel vi povas ekspliki naskiĝon kaj morton de la homaro aŭ bestoj? Se la tempo ne ekzistas, do niaj praŭloj devas nun vivi. Tamen ili ekzistis pli frue. Kaj ne ekzistas nun infanoj pretaj naskiĝi kaj kreski plu. Ĉio ŝanĝiĝas en la tempo. Por trairi grandan distancon ni bezonas la tempon.

sergejm (Xem thông tin cá nhân) 11:13:27 Ngày 20 tháng 10 năm 2014

Laŭ Einstein, ekzistas spaco-tempo, tempo estas mezuro kun signo '-':
ds² = dx² + dy² + dz² - (cdt)²
Per formuloj de Einstein, sciate stato de la Universo ĉe t=0, ni povas kalkuli ĝian staton ĉe ajna t, ĉu t > 0 aŭ t < 0.
Kvantuma mekaniko ĉi rilate nenion ŝanĝas, sed ĝi neas eblecon ekkoni tian staton, ĉar mezirante iun valoron, ni ŝanĝas ĝin.

pikachuu93 (Xem thông tin cá nhân) 11:55:14 Ngày 20 tháng 10 năm 2014

Mi pensas ke ĉi tio demando estas ne bone difinita. Ekzemple, kion vi signifas per "ekzistas"? Ĉu vi signifas "ekzistas ekster homa pensado"? Ĉar, laŭ mia opinio, homoj spertas tempon per homa senso, do la homa ideo de tempo ekzistas kaj estas reala. Sed mi pensas ke la homa ideo de tempo ne samas kiel la fundamenta aĵo de tempo. Do, mi pensas ke la tempo ja ekzistas, kaj plue, pluraj tipo de tempo ekzistas.

baibaibibi (Xem thông tin cá nhân) 13:08:30 Ngày 20 tháng 10 năm 2014

ĉevino:
Lakiro:Kiel vi povas ekspliki naskiĝon kaj morton de la homaro aŭ bestoj? Se la tempo ne ekzistas, do niaj praŭloj devas nun vivi. Tamen ili ekzistis pli frue. Kaj ne ekzistas nun infanoj pretaj naskiĝi kaj kreski plu. Ĉio ŝanĝiĝas en la tempo. Por trairi grandan distancon ni bezonas la tempon.
Estas pli fruo kaj pli malfruo nur en nia menso. Ĉio estas fore de tempo kaj spaco. La nuno estas eterne kaj komplete. Se individuo naskas, kreskas kaj mortas, ĉio tio estas eterne fore de tempo kaj spaco, en la tuteco, sed ni sukcesas vidi kaj senti nur pece... Ni ne vere ekzistas individue, sed ni estas iluzio al ni mem...
Eble vi pravas en ĉio, sed mi opinias ke la ne-ekzistado de la tempo estas pli evidenta ol tiu de la spaco eĉ sendepende de la filozofiaj ideoj, estas sentebla kaj evidenta fakto ke ni vivas en la estanteco kaj ne en la estinteco aŭ en la estonteco. La ne ekzistado de la spaco ne estas tiel evidenta for de la filozofio kaj la metafiziko.

ustra (Xem thông tin cá nhân) 13:11:52 Ngày 20 tháng 10 năm 2014

ĉevino:Ni ne vere ekzistas individue, sed ni estas iluzio al ni mem...
Tio estas kio Nietzsche volis diri per jena frazo:
"Kaj kiam vi rigardas longan tempon en abismo, la absimo enrigardas ankaŭ en vi."

klmn (Xem thông tin cá nhân) 13:18:05 Ngày 20 tháng 10 năm 2014

ĉevino:
Lakiro:Kiel vi povas ekspliki naskiĝon kaj morton de la homaro aŭ bestoj? Se la tempo ne ekzistas, do niaj praŭloj devas nun vivi. Tamen ili ekzistis pli frue. Kaj ne ekzistas nun infanoj pretaj naskiĝi kaj kreski plu. Ĉio ŝanĝiĝas en la tempo. Por trairi grandan distancon ni bezonas la tempon.
Estas pli fruo kaj pli malfruo nur en nia menso. Ĉio estas fore de tempo kaj spaco. La nuno estas eterne kaj komplete. Se individuo naskas, kreskas kaj mortas, ĉio tio estas eterne fore de tempo kaj spaco, en la tuteco, sed ni sukcesas vidi kaj senti nur pece... Ni ne vere ekzistas individue, sed ni estas iluzio al ni mem...
oni povas rezoni pri ĉio kion ni vidas kiel pri iluzio, ĉar vidaĵo estas produkto de percepto de nia cerbo.

Tamen tempo estas fizika unuo, tion ni povas vidi en Lorencaj transformoj: tempo ne estas absoluta, ĝia fluo dependas de rapideco de objekto

pikachuu93 (Xem thông tin cá nhân) 13:44:05 Ngày 20 tháng 10 năm 2014

Se la tempo ne ekzistas, kiel ni nomas la perceptan aĵon de tempo?
Mi pensas do me ekzistas... Mi pensas dum tempo, do tempo devus ankaŭ ekzisti! Aŭ ne?

Quay lại