Al la enhavo
Respondi

Planoj pri la estonto de lernu!

de Jev, 2011-majo-23

Mesaĝoj: 268

Lingvo: Esperanto

Urho (Montri la profilon) 2013-aŭgusto-26 14:18:25

Chainy:
erinja:Ni montris kelkajn elementojn de la nova kurso, inkluzive de (provizoraj, ankoraŭ ne-pretaj) versioj de la rakonto kaj ilustraĵoj. Ni montris version de la nova tradukejo, kaj ni diskutis ecojn de la novaj forumoj (ekzemple kelkaj kapabloj kiuj estos similaj al tiuj de la forumoj ĉe slovake.eu)
Ĉu vi publikigos tiun raporton ankaŭ ĉi tie en la forumo? Eble kiel elŝutaĵon? Tiu raporto estus interesa al Lernu-uzantoj kaj mondonacantoj.
Jes, la raporto estus interesa ankaŭ al mi. ridulo.gif

Cetere, jen la ligilo al paĝaro slovake.eu: http://slovake.eu/eo/. Lingva filtrilo ĉe la forumo estas utila. En la lingva filtrilo lingvoj estas 9.

erinja (Montri la profilon) 2013-aŭgusto-26 14:33:32

Tio, kion mi afiŝis, ESTIS la raporto. Ni ne havas iun grandan skribitan raporton, nek planas verki tian raporton. Ĉe la prezento ni ne uzis ekz-e powerpoint-montraĵon. Ni simple montris kelkajn aferojn en la reto, diskutis ilin, kaj respondis al demandoj. La enhavo de la demandoj mem grandparte estas aferoj kiuj jam diskutiĝis en la lernu-forumoj. Estis kelkaj lernu-anoj tie, sed mi ne nun memoras, ĉu la ĉeestantoj de la prezento inkluzivis iujn aktivajn partoprenantojn de la forumoj. Sendube ĉe UK estis, sed mi ne memoras ĉu ili ĉeestis nian prezenton aŭ ne, ĉar pluraj aferoj okazis samtempe. Ekzemple, uzanto johmue ĉeestis UK, sed mi ne povas nun memori ĉu li ĉeestis nian prezenton.

Por aktivaj tradukantoj, ŝajne la nura 'nova' parto de la prezento estus la montrado de la nova traduksistemo, kiu ankoraŭ ne estas aktiva. Por personoj kiuj jam tradukas ĉe lernu, oni trovus malmulton novan, ĉar ni ankaŭ montris la diversajn partojn de la paĝaro kaj de la nuna traduksistemo, kiuj sendube estus tre konataj al niaj aktivaj uzantoj kaj kunlaborantoj.

efilzeo (Montri la profilon) 2013-septembro-07 13:51:33

Ĉu la nova forumo estos en la aplikaĵo "tapatalk"?

erinja (Montri la profilon) 2013-septembro-08 01:43:48

Ne, ni ne uzos eksteran programon por nia forumo.

novatago (Montri la profilon) 2013-septembro-21 09:08:22

-Mi iom serĉadis pri la afero, pri kiu mi estas parolonta, kaj nenion mi trovis. Mi pardonpetas se oni jam parolis pri la afero-

Estus bone havi ekranan klavaron simila al tiuj uzataj de Gugla tradukilo en ties tekstujo, aŭ simila solvo, por ebligi tajpi signojn, kiuj kutime ne aperas en klavaroj ĉar tiuj estas alilingvaj, aŭ pro pluraj kialoj nur estas alireblaj per kombinoj de klavo "Alt + nombro". Ĉefe mi petas tion por la tradukejo de Lernu!. Ne ĉiu havas la hispanan "ñ"-on en sia klavaro, kaj mi pensas, ke aliaj uzindaj signoj kiel «ĉi tiuj latinaj citiloj» estas en nenia fizika klavaro. Tio en Linukso ne estas granda problemo, tamen en Vindozo ja estas problemo.

En Vikipedio oni solvis tion per ligiletoj, kiuj funkcias kvazaŭ butonoj.

Redakto: Ankaŭ veraj citiloj estas “ĉi tiuj”, ne ĉi tiuj: ", kiuj vere signifas sekundojn.

Ĝis, Novatago.

Oijos (Montri la profilon) 2013-oktobro-10 17:05:11

Ĉu la ekzistantaj forumomesaĝoj estos perditaj, kiam la nova Lernu! lanĉos?

Oijos (Montri la profilon) 2013-oktobro-15 16:17:45

Oijos:Ĉu la ekzistantaj forumomesaĝoj estos perditaj, kiam la nova Lernu! lanĉos?
Estus tre bedaŭrinde, se oni perdas la forumarkivoj.

Jev (Montri la profilon) 2013-oktobro-17 11:10:10

Oijos:Ĉu la ekzistantaj forumomesaĝoj estos perditaj, kiam la nova Lernu! lanĉos?
Ni prilaboras nun ĉiujn mesaĝojn por ke estu eble transpreni la arkivojn.

umanto (Montri la profilon) 2013-novembro-06 01:27:20

erinja:Por aktivaj tradukantoj, ŝajne la nura 'nova' parto de la prezento estus la montrado de la nova traduksistemo, kiu ankoraŭ ne estas aktiva.
Mi havas kelkajn proponojn rilatajn al la traduksistemo. Estus utile se la tradukanto povus:
- maltradukigi unuopajn ĉenojn en sia lingvo
- informi la tradukantojn de alia lingvo ke iu ĉeno estas malĝuste tradukita (almenaŭ laŭ lia opinio); la saman sistemon oni povus uzi se tradukante oni rimarkas eraron en originala esperanta teksto

erinja (Montri la profilon) 2013-novembro-06 14:15:11

Se vi trovas malĝustan tradukon en la paĝaro, bv. uzi la ligilon pri komentoj, sube de ĉiu paĝo, por atentigi pri tio. Ni kutime uzas tiun sistemon por korekti niajn tradukojn.

Reen al la supro